ქართული ხალხური სიმღერები ჯაზური არანჟირებით - თეონა მოსიას მრავალფეროვანი კონცერტი ვენაში

ვენაში ქართველი ჯაზ მომღერლის თეონა მოსიას კონცერტი გაიმართა. საღამო ავსტრიის დედაქალაქში კლუბ "შვარცბერგის" საკონცერტო დარბაზში ჩატარდა. შემსრულებელმა ქართველ და უცხოელ მსმენელს ძველ და ნაცნობ სიმღერებთან ერთად, ახალ რეპერტუარებიც შესთავაზა. მოსიამ ქართულ ხალხური სიმღერები ჯაზური არანჟირებით ევროპელ მუსიკოსებთან ერთად შეასრულა.

მაყურებლები აღფრთოვანებულები დარჩნენ, კონცერტი ძალიან ორიგინალური და მრავალფეროვანი იყო. მოსიას შემოქმედების დიდი ნაწილი ეთნო-ჯაზურ კომპოზიციებს ეთმობა. ქართველი მომღერალი ავსტრიაში 5 წელია მოღვაწეობს.