50 გარდაცვლილი და 60 დაშავებული - ავღანეთში სამგზავრო ავტობუსი ბენზინმზიდს დაეჯახა

ავღანეთში ავტოსაგზაო შემთხვევის შედეგად სულ მცირე 50 ადამიანი დაიღუპა, 60-ზე მეტი კი დაშავდა. ადგილობრივი მედიის ცნობით, პროვინცია ღაზნიში სამგზავრო ავტობუსი ბენზინმზიდს დაეჯახა.

ავღანეთის ხელისუფლების ცნობით, დაშავებულთა უმრავლესობის მდგომარეობა კრიტიკულად მძიმეა. დაწყებულია გამოძიება. წინასწარი ვერსიით, ტრაგიკული ინციდენტის მიზეზი საგზაო მოძრაობის წესების დაღვევა გახდა.