"კომედი შოუს" მსახიობის პირველი კომენტარი უმძიმესი ავარიის შემდეგ - რას იხსენებს გიორგი გოცირიძე

რამდენიმე კვირის წინ, ბელიაშვილის ქუჩაზე მომხდარი ავტოსაგზაო შემთხვევის შედეგად "კომედი შოუს" მსახიობი გიორგი გოცირიძე დაშავდა. მსახიობმა მძიმე ტრავმები მიიღო და თითქმის ერთი თვე ქირურგიის ცენტრში გაატარა.როგორია გიორგის ჯანმრთელობია მდგომარეობა ამის შესახებ, პირველად "ამბები.გე"-თან ალაპარაკდა.

- სამი დღის წინ გამომწერეს კლინიკიდან. ახლა სახლში მოდიან ექიმები და ისე ვმკურნალობ. დაახლოებით ოთხი თვე დამჭირდება თუნდაც დაჯდომის უფლება რომ მომცენ ექიმებმა. ახლა ყავარჯნებით სიარულიც არ შეიძლება.

- რა სახის დაზიანებები მიიღეთ?

- წვივები მქონდა დამტვრეული და მუცლის ღრუში მივიღე მძიმე დაზიანებები. სულ ხუთი ოპერაცია გავიკეთე. დაახლოებით ექვს თვე დამჭირდება ალბათ სახლში მკურნალობა და რეაბილიტაცია. ფეხებში რკინები მაქვს.

- რა მოხდა იმ ღამით?

- მახსოვს მხოლოდ ის რომ ოთხშაბათი იყო. სხვა არაფერი არ მახსოვს.

- ამბობენ, რომ მძღოლი გაიქცა, დაგიკავშირდათ?

- არ გაქცეულა. სასწრაფო თვითონ გამოიძახა და ყოველთვის აქვს კავშირი ჩემს ოჯახთან.

თამარ ბოჭორიშვილი

AMBEBi.GE