"სიმფონიური ივნისი" გიორგი ცაგარელის და არიელ ცუკერმანის მონაწილეობით ეროვნულ მუსიკალურ ცენტრში
2016 წლის 20 და 21 ივნისს, რუსთაველის თეატრის მცირე დარბაზში, საქართველოს ეროვნული მუსიკალური ცენტრი წარმოგიდგენთ სიმფონიური მუსიკის კონცერტებს, რომელშიც მონაწილეობენ ევგენი მიქელაძის სახელობის საქართველოს ეროვნული სიმფონიური ორკესტრი, სოლისტი - გიორგი ცაგარელი (ალტი), დირიჟორი - არიელ ცუკერმანი.
პირველად საქართველოში შესრულდება იოსებ ბარდანაშვილის კონცერტი ალტისა და ორკესტრისათვის POSTLUDIUM. კონცერტის მეორე ნაწილში ქართველ მსმენელს შესაძლებლობა ექნება მოისმინოს ნიკოლაი რიმსკი-კორსაკოვის სიმფონიური სიუიტა "შეჰერეზადა", სადაც სოლო ვიოლინოს პარტიას შეასრულებს ვიქტორ კონიაევი.
კონცერტები იმართება პროექტ "სიმფონიური ივნისის" ფარგლებში, რომლის მხარდამჭერია საქართველოს კულტურისა და ძეგლთა დაცვის სამინისტრო.
პროექტის პარტნიორები: ხელოვანთა კავშირი Conceptart და კომპანია ბადაგონი. საინფორმაციო მხარდამჭერები: სამაუწყებლო კომპანია რუსთავი 2, რადიო ჰოლდინგი ფორტუნა, მედია პალიტრა და საინფორმაციო ცენტრი 118 08
კონცერტების დასაწყისი: 19:30 საათი
ბილეთები გაიყიდება 2016 წლის 9 ივნისიდან ვებგვერდზე www.biletebi.ge
ხოლო 16 ივნისიდან რუსთაველის თეატრის სალაროში.
ბილეთის ფასი: 25, 35 და 45 ლარი
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
