2 400-ს მილიარდერს შორის 294 ქალია - უახლესი სტატისტიკური მონაცემები მსოფლიოს უმდიდრეს ადამიანებზე

გასულ წელს მსოფლიოში 2 400-ზე მეტი მილიარდერი დაფიქსირდა. ასეთია ორგანიზაცია Wealth-X-ის ანგარიში, რომლის თანახმად, 2015 წელს მილიარდერების ქონება 5,4%-ით გაიზარდა. 2 400-ს მილიარდერს შორის 294 ქალია.

მილიარდერი მამაკაცის საშუალო ასაკი 63,2, ქალის კი - 62,2 წელია. მილიარდერების 85% დაქორწინებულია. 70%-ს ბაკალავრის ხარისხი აქვს, 22%-ს - მაგისტრის, 9,5% კი მეცნიერების დოქტორის ხარისხი. მილიარდერების 56%-მა თავისი ქონება საკუთარი ძალებით იშოვა, 13%-მა - მემკვიდრეობით მიიღო.

მილიარდერების შემოსავლის ძირითადი წყარო ინვესტირება და ფინანსური სექტორია.

გასულ წელს მსოფლიოში მილიარდერების საერთო ქონებამ 7,7 ტრილიონი აშშ დოლარი შეადგინა, რაც მსოფლიოს უმეტესი ქვეყნების მშპ-ს აღემატება, გარდა აშშ-ისა და ჩინეთისა.

გაგრძელება