"ისლამური სახელმწიფოს" ე.წ დედაქალაქ რაქას ასაღებად სპეცოპერაცია იწყება

ქურთებისა და არაბების შეიარაღებული ძალები ტერორისტული დაჯგუფება "ისლამური სახელმწიფოს" ე.წ დედაქალაქ რაქას ასაღებად სპეცოპერაციას იწყებენ. ამის შესახებ "ბი-ბი-სი" იუწყება. სპეცოპერაცია ამერიკის შეერთებული შტატებისა და კოალიციის დახმარებით წარიმართება.

სირიის დემოკრატიული ძალების განმარტებით, კოალიცია აშშ-ს ხელმძღვანელობით, საჰაერო იერიშებს განახორციელებს, სპეცოპერაცია კი რამდენიმე საათში დაიწყება. მათ მოსახლეობა გააფრთხილეს, თავი აარიდონ იმ ადგილებს, სადაც ტერორისტული დაჯგუფების მებრძოლები იმყოფებიან.