თურქეთში, ადანას პროვინციაში დანაღმული ავტომობილი აფეთქდა

თურქეთში, ადანას პროვინციაში ორი ადამიანი დაიღუპა და 16 დაშავდა სავარაუდო ტერორისტული აქტის დროს, - იუწყება თურქული Daily Sabah-ის ინგლისურენოვანი გამოცემა. აფეთქება გუბერნატორის კანცელარიასთან მოხდა.

წინასწარი მონაცემებით, ავტოსადგომზე აფეთქდა მანქანა, რამაც დააზიანა გვერდით მდგომი მანქანები და გუბერნატორის კანცელარიის შენობა.

ადანას გუბერნატორის მაჰმუტ დემირტაშის ინფორმაციით, აფეთქების შედეგად დაიღუპა 2 ადამიანი და 16 დაშავდა.