ძლიერი აფეთქება სტამბულში

ძლიერი აფეთქება სტამბულში. ინფორმაციას საინფორმაციო სააგენტო "როიტერი" თურქეთის შს მინისტრზე დაყრდნობით ავრცელებს.

თურქი სამართალდამცველების ცნობით დანაღმული ავტომობილი, საფეხბურთო კლუბის ბეშიქთაშის სტადიონთან აფეთქდა.

აფეთქების ხმა სტადიონთან, საფეხბურთო მატჩის დასრულებიდან ორ საათში გაისმა, თურქეთის შს მინისტრის თქმით ტერაქტის ორგანიზატორთა მიზანი იყო, სპეცრაზმელებით სავსე ავტობუსი აეფეთქებინათ.

იხილეთ ვიდეო

"სტამბოლის ისტორიულ ცენტრში მომხდარ აფეთქებასთან დაკავშირებით, საქართველოს გენერალურ საკონსულოში მოქმედებს ცხელი ხაზი: (+90 541) 818 44 00. ასევე 24 საათიანი ცხელი ხაზი მოქმედებს საგარეო საქმეთა სამინისტროს საკონსულო დეპარტამენტში: (+995 32) 294 50 50. სტამბოლში საქართველოს გენერალური საკონსულო მუდმივ კავშირზეა თურქეთის საგანგებო სიტუაციებზე პირველადი რეაგირების ჯგუფთან. თურქული მხარე ამ ეტაპზე დაშავებულთა შორის საქართველოს მოქალაქეების არსებობას არ ადასტურებს",- ნათქვამია საგარეო საქმეთა სამინისტროს განცხადებაში.