თურქეთის უსაფრთხოების ძალებმა რუსეთის მოქალაქე დააკავეს, რომელიც, სავარაუდოდ, დრონის მეშვეობით ინჯირლიკის სამხედრო ბაზაზე განლაგებული ერთ-ერთი ამერიკული თვითმფრინავის ჩამოგდებას გეგმავდა.
აღნიშნულის შესახებ ტელეარხი Habertürk იუწყება.
გავრცელებული ინფორმაციით, დაკავებულია ვინმე რენატ ბაკიევი. მას ასევე ბრალად ედება ტერორისტულ ორგანიზაცია „ისლამურ სახელმწიფოსთან“ კავშირი.