კიმ ჩენ ინმა ბრძანება გასცა, სამხედროები ნებისმიერ დროს მზად იყვნენ დარტყმა განახორციელონ - აშშ-ის პასუხი
ჩრდილოეთ კორეის ლიდერმა კიმ ჩენ ინმა ბრძანება გასცა, სამხედროები ნებისმიერ დროს მზად იყვნენ დარტყმა განახორციელონ, თუ ის ამგვარ გადაწყვეტილებას მიიღებს. ამის შესახებ სააგენტო "როიტერსი" ჩრდილოეთ კორეის მედიაზე დაყრდნობით იუწყება.
კიმ ჩენ ინმა ასევე განაცხადა, რომ აშშ-მა სწორი არჩევანი უნდა გააკეთონ, რათა თავიდან აიცილონ სახიფათო სამხედრო კონფლიქტი.
როგორც კორეის ცენტრალური სააგენტო იუწყება, კიმ ჩენ ინი ასევე გაეცნო შეიარაღებული ძალების გეგმებს გუამისკენ რაკეტის გაშვების თაობაზე.
"აშშ-მა სწორი გადაწყვეტილება უნდა მიიღონ და აჩვენონ თავისი ქმედებებით, რომ კორეის ნახევარკუნძულზე დაძაბულობის შემცირება და სამხედრო კონფლიქტის არიდება სურთ", - განაცხადა კიმ ჩენ ინმა.
როგორც აშშ-ის თავდაცვის მდივანი ჯეიმს მეტისი აცხადებს, თუ ჩრდილოეთ კორეა აშშ-ის მიმართულებით ბალისტიკურ რაკეტას გაუშვებს, ამან შეიძლება ომი გამოიწვიოს. აღნიშნულის შესახებ ჯეიმს მეტისმა ჟურნალისტებს განუცხადა.
"თუ ისინი ცეცხლს გაუხსნიან აშშ-ს, ეს ძალიან სწრაფად შეიძლება ომში გადაიზარდოს", - განაცხადა ჯეიმს მეტისმა.
პენტაგონის ხელმძღვანელის თქმით, აშშ-ს ჩრდილოეთ კორეის მიერ გამოშვებული რაკეტის ტრაექტორიის დადგენა წამების განმავლობაში შეუძლია და თუ ცხადი იქნება, რომ რაკეტა გუამისკენ გაშვებულია, ჩრდილოეთ კორეას პასუხი გაეცემა.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
