ახალი მუსიკალური შოუ "იმედზე", ჟიურის სრულიად მოულოდნელი შემადგენლობით
27 ოქტომბრიდან "ტელეიმედზე" მორიგი გრანდიოზული შოუ "ჩვენ ვარსკვლავები ვართ" იწყება.
მუსიკალური პროექტი ეთერში ყოველ პარასკევს გავა. უკვე ცნობილია ვინ იქნებიან გადაცემის წამყვანები. მეგა-შოუს "იმედზე" ბახვა ბრეგვაძე და ლიკა ქორქია გაუძღვებიან. ჟიურის შემადგენლობაში კი ერთმანეთისგან სრულიად განსხვავებული სამი მუსიკოსი და ერთი ცნობილი რეჟისორი არიან. ჟიურის ორი წევრი სრულიად ახალი და შეიძლება ითქვას, მოულოდნელი სახეა ქართული სატელევიზიო შოუებისთვის.
რას უნდა ველოდოთ, ახალი გრანდიოზული მეგა-შოუსგან, რა ფორმატის იქნება და ვინ იქნებიან ჟიურის წევრები - AMBEBI.GE დეტალების გასარკვევად პროექტის მედიასთან ურთიერთობის მენეჯერს, სალომე ლილუაშვილს დაუკავშირდა. როგორც მან ჩვენთან საუბრისას აღნიშნა, ახალი შოუსთვის კონკურსანტები საქართველოს მასშტაბით შეირჩა:
"კონკურსანტები საქართველოს მასშტაბით შევარჩიეთ. საუკეთესო ათეული შედგა, რომელსაც მაყურებელი ლაივ-რეჟიმში იხილავს. ყოველკვირეულად ერთი კონკურსანტი დატოვებს პროექტს, ასე რომ, საინტერესო და დაძაბული ლაივ-შოუები ელოდება მაყურებელს.
რაც შეეხება ჟიურის წევრებს, მათ ვინაობას ექსკლუზიურად გაგიმხელთ. პროექტის ჟიურის წევრები იქნებიან: ლევან წულაძე, ნინა სუბლატი, ნატო მეტონიძე და რობი კუხიანიძე. უდავოდ საინტერესო და ძლიერი კონკურსანტები შევარჩიეთ, ასე რომ, ყოველ პარასკევს კარგ კონცერტს იხილავს და მოუსმენს მაყურებელი "იმედის" ეთერში",- აღნიშნა სალომე ლილუაშვილმა.
თამარ ბოჭორიშვილი
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
