"ამ ბებომ დაკარგა საფულე... გთხოვთ მიაწვდინოთ ხმა" - ინტერნეტმომხმარებლები მოხუც ქალს ეძებენ

ინტერნეტმომხმარებელი სულხან წულაძე ფეისბუქ-საზოგადოებას დახმარებას სთხოვს. წულაძეს სურს იპოვოს მოხუცი ქალი, რომელმაც მის მაღაზიაში რამდენიმე დღის წინ საფულე დაკარგა. ამის ამსახველ ფოტოებს და მაღაზიის სათვალთვალო კამერით გადაღებულ კადრებს, სულხან წულაძე "ფეისბუქის" პირად გვერდზე ავრცელებს:

"პატივცემულო მეგობრებო, გთხოვთ გაავრცელოთ ეს ვიდეო. ამ ბებომ დაკარგა საფულე ჩემს მაღაზიაში 20 ოქტომბერს (მაღაზია მდებარეობს გლდანის ბაზართან). დღემდე ველოდებოდით იქნებ მოსულიყო და არ გამოჩნდა. დევს მხოლოდ თანხა და არანაირი საბუთი. არც თუ ისე ცოტა თანხაა და ბებო ინერვიულებდა. თუ ვინმეს გეცნობათ, გთხოვთ მიაწვდინოთ ხმა" - ვკითხულობთ წულაძის მიმართვაში.

თუ ვინმეს გეცნობათ მოხუცი ქალი, გთხოვთ მიაწოდეთ აღნიშნული ინფორმაცია

იხილეთ სათვალთვალო კამერის კადრები