ასტეროიდი "ფაეტონი" დედამიწას ახლო მანძილზე ჩაუვლის

მეცნიერები 17 დეკემბერს საინტერესო ასტრონომიულ მოვლენას ელოდებიან. ამ დღეს დედამიწას მსხვილი ასტეროიდი "ფაეტონი", რომლის დიამეტრი 5 კილომეტრს შეადგენს, საკმაოდ ახლო მანძილზე - 10 მილიონი კილომეტრის დაშორებით ჩაუვლის. მეცნიერების განცხადებით, კოსმოსური საზომით, ეს საკმაოდ ახლო მანძილია.

გარდა ამისა, მოსალოდნელია მეტეორთა ნაკადი, რაც მაქსიმალურ აქტიურობას 13-14 დეკემბერს მიაღწევს. ამ პერიოდის განმავლობაში ცაში შესაძლებელი იქნება ატმოსფეროში ასობით მეტეორის წვის პროცესისთვის თვალის მიდევნება.