გერმანიაში აქციის მონაწილეების დასაშლელად წყლის ჭავლი გამოიყენეს

გერმანიის ქალაქ ჰანოვერში, სადაც მემარჯვენე პარტიის „ალტერნატივა გერმანიისთვის“ ყრილობა მიმდინარეობს, პოლიციამ პარტიის მოწინააღმდეგეთა დასაშლელად წყლის ჭავლი გამოიყენა. ამის შესახებ გაზეთი Die Welt იუწყება.

პოლიციის წარმომადგენლის თქმით, აქცია ადგილობრივი დროით 07:00 საათზე დაიწყო. დემონსტრანტებმა რამდენიმე საავტომობილო გზა გადაკეტეს. გარდა ამისა, პოლიციელებზე თავდასხმის რამდენიმე შემთხვევა დაფიქსირდა.

გასული საპარლამენტო არჩევნების შედეგების თანახმად, „ალტერნატივა გერმანიისთვის“ საკუთარ ისტორიაში პირველად გერმანიის პარლამენტში მოხვდა.