დაკავების შემდეგ მიხეილ სააკაშვილს გენერალურ პროკურატურაში გადაიყვანენ

დაკავების შემდეგ მიხეილ სააკაშვილს უკრაინის გენერალურ პროკურატურაში წაიყვანენ დასაკითხად, ამის შესახებ საინფორმაციო სააგენტო УНН წერს.

უკრაინის უსაფრთხოების სამსახურის წარმომადგენლებმა ოდესის ყოფილი გუბერნატორი ცოტა ხნის წინ დააკავეს. სააკაშვილი სახლის სახურავზე იყო ასული, ვიდრე მის სახლს სამართალდამცველები ჩხრეკდნენ.

საქართველოს ყოფილი პრეზიდენტი შენობიდან უკვე გამოიყვანეს და მოათავსეს მიკროავტობუსში, რომლითაც, სავარაუდოდ, გენერალურ პროკურატურაში გადაიყვანენ, თუმცა სააკაშვილის მხარდამჭერები მიკროავტობუსის გაყვანის საშუალებას სამართალდამცველებს არ აძლევენ.