ირანელი ქალი, რომელმაც საპროტესტო აქციებზე ჰიჯაბი მოიხსნა, გაუჩინარდა.

ირანში მიმდინარე საპროტესტო აქციების ერთგვარ სიმბოლოდ იქცა ქალი, რომელმაც ჰიჯაბი მოიხსნა და ტარების ვალდებულება გააპროტესტა. კადრები უამრავმა მედიასაშუალებამ გაავრცელა და ირანელი ქალი მსოფლიომ გაიცნო.

ახლა კი ცნობილი ხდება, რომ 31 წლის ქალი გაუჩინარდა.

უფლებადამცველი ნასრინ სოტოუდე "ფეისბუქზე" წერს, რომ კადრების გავრცელებიდან მალევე ქალი დააკავეს და მას მერე აღარ გამოჩენილა. მისივე ინფორმაციით, პროტესტის მონაწილე ქალი ჯერ პოლიციის განყოფილებაში, შემდეგ კი - პროკურატურაში გადაიყვანეს.

მისი სახელი და გვარი არ სახელდება, თუმცა ცნობილია, რომ 19 თვის შვილი ჰყავს.