ფიდელ კასტროს შვილმა დეპრესიის ნიადაგზე თავი მოიკლა

კუბის ყოფილი ლიდერის ფიდელ კასტროს 68 წლის შვილმა თავი მოიკლა, ამის შესახებ BBC კუბურ მედიაზე დაყრდნობით წერს.

ფიდელ ანხელ კასტრო დიაზ-ბალარტი ხუთშაბათს დილით გარდაცვლილი იპოვეს. გავრცელებული ინფორმაციით, მას დეპრესია ჰქონდა.

მამასთან მსგავსების გამო ყოფილი პრეზიდენტის შვილს "ფიდელიტოს" ეძახდნენ. ის ატომური ფიზიკის სპეციალისტი იყო.

"ფიდელ კასტრო დიაზ-ბალარტმა, რომელსაც ღრმა დეპრესია ჰქონდა და რამდენიმე თვის მანძილზე ექიმების ჯგუფი მკურნალობდა, დღეს დილით თავი მოიკლა," - დაწერა კუბას ოფიციალურმა გაზეთმა Granma.

სახელმწიფო ტელევიზიის ცნობით კი ქვეყნის ყოფილი ლიდერის შვილი კლინიკაშიც იყო მოთავსებული, მას შემდეგ კი რამდენიმე თვის მანძილზე მედიკამენტოზურ მკურნალობას გადიოდა.