ნატოს ყოფილი გენმდივანი რუსი ოლიგარქის სამსახურში?

ნატოს ყოფილი გენერალური მდივანი ანდერს ფოგ რასმუსენი ლატვიის ბანკის Norvik Banka-ს საბჭოს ხელმძღვანელის მრჩევლად დაინიშნა. მისი მფლობელი რუსი ბანკირი, მილიონერი გრიგორი გუსელნიკოვია. ასევე მისი გავლენის სფეროშია, Вятка Банк-იც, რომელიც არც ისე დიდი ხნის წინ, კონსორციუმზე, ბელორუსების დახმარებით ცდილობდა, უკრაინული Сбербанка-ის უკრაინული ფილიალი ეყიდა.

ლატვიური Norvik Banka-ს მრჩეველთა საბჭო სულ 5 ადამიანისგან შედგება, - რასმუსენის გარდა, არიან იგორ სმოლინი, ავგუსტ გუსტავი, პოლ ჰანიგი და პიტერ მაიკლ ოდინცოვი.

მაშინ, ე.წ. უკრანული "დოჩკას" შესყიდვის მცდელობისას, ბელორუსების უკან, რუსი ოლიგარქი, მიხაილ გუცერიევი იდგა, რომელიც Руснефть-ს, Бинбанк-სა და Эльдорадо -ს აკონტროლებს. თავის დროზე, გუსელნიკოვი გუცერიევისთვის მუშაობდა და ერთობლივად, საკმაოდ კარგ ფინანსურ დივინდებსაც მოიპოვებდნენ... რაც შეეხება, მილიარდერ მიხაილსა და მის შვილს, საიდ სალამ-გუცერიევს, ორივე მათგანი ახლახან, ამერიკის ხაზინის მიერ გამოქვეყნებულ რუს ოლიგარქთა სიაში მოხვდნენ, სადაც კრემლთან დაახლოებული პირები ჰყავდათ შეყვანილი.

ასევე, ორივე მათგანი კრემლის გავლენებით არა მხოლოდ რუსეთში, რამდენიმე პოსტსაბჭოთა ქვეყანაშიც სარგებლობენ.არსებული ინფორმაციით, გუსელნიკოვსა და მის ადრინდელ მოკავშირე მამა-შვილ გუცერიევებს ახლაც აქვთ გადაკვეთის კონფიდენციალური წერტილები.

ერთი შეხედვით, ეს თითქოს ჩვეულებრივი ბიზნესია და შესაბამისად, ნატოს ყოფილ გენერალურ მდივანსაც გაუმართლა, მით უფრო, თუკი ეს მორიგი ოპერაციაა, გავლენიანი ლობისტების მოსაზიდად. თუმცა, არსებობს ვერსიები, რის გამოც გუსელნიკოვმა არჩევანი მასზე შეაჩერა;

"ძალიან მიხარია, რომ ლატვიური ბანკში მუშაობის შესაძლებლობა მეძლევა. ამით ამ ქვეყანასთან შესაძლოა, უფრო ახლო ურთიერთობა მქონდეს. იმედი მაქვს, საბანკო სფეროში ჩემი გამოცდილება გამომადგება და სახელმწიფო ორგანოებთან ბანკების ურთიერთობის ფორმირებას შევძლებ... ეს დაგვეხმარება და ევროკავშირში ლატვიის სტრატეგიული ურთიერთობა განვითარდება,"- განაცხადა რასმუსენმა საბჭოს მრჩევლის თანამდებობაზე დანიშვნის შემდეგ. 

როგორც ცნობილია, გასული წელს, Norvik Banka-ს ლატვიის ხელისუფლებამ სასამართლოში უჩივლა, თუმცა, რა იყო კონფლიქტის მიზეზი, დღემდე კონფიდენციალურია. ერთადერთი, რაც მაშინ გავრცელდა, გრიგორი გუსელნიკოვის განცხადება იყო, -" მე უკვე ვნანობ, რომ ლატვიის "ინდუსტრიის გაკოტრებაზე" ვიხუმრე",- განაცხადა მაშინ რუსმა ოლიგარქმა.

კიდევ ერთი ვერსია, რის გამოც რასმუსენი ლატვიურ ბანკში მიიწვეს, ეს რუსული Сбербанк-ის მიერ უკრაინული ფილიალის შესყიდვის მცდელობაა, რომელიც დიდი ხანია გუსელნიკოვის ფინანსურ ინტერესებშია... თავის დროზე, უკრაინელების ერთმა ნაწილმა გამორიცხა, ლიტვური ბანკის რუს ოლიგარქთან კავშირი, მით უფრო, რომ თავად უკრაინის ნაციონალურმა ბანკმაც აუკრძალა გუსელნიკოვს Сбер банка Украина-ს შეძენა, თუმცა, ის ოცნების მისაღწევად ბრძოლას მაინც განაგრძობდა.

"ასე რომ, ამიტომაც, სრულიად შესაძლებელია, Norvik Banka-ის მრჩეველ რასმუსენს პოროშენკოსთვის გადაწყვეტილების შეცვლა ეთხოვა," – წერს უკრაინული მედია.

თუ ანდერს ფოგ რასმუსენის ნატოს გენერალური მდივნობის პერიოდს და მის საქართველოსთან ურთიერთობას გავიხსენებთ, ის მუდმივად აცხადებდა, რომ საქართველოს ალიანსისკენ სწრაფვა უნდა გაეგრძელებინა.  ქართულ საზოგადოებას ახსოვს მისი ხმამაღალი განცხადებები. 2012 წელს მან გადაცხადა, რომ რუსეთი ვერ გადაწყვეტდა, შევიდოდა თუ არა საქართველო ნატოში, "ამას ნატო და საქართველო გადაწყვეტენ", - აცხადებდა რასმუსენი, თუმცა, კონკრეტულ თარიღზე საუბარს, სხვა ლიდერებივით, ისიც თავს არიდებდა.

ბოლო დროს, რასმუსენი უკრაინის პრეზიდენტის პეტრო პოროშენკოს მრჩეველი იყო. თუმცა, უკრიანული მედია წერს, რომ ამ ორგანიაზაციაში არც უკრაინის გაწევრიანების სავარაუდო ვადაზე საუბრობდნენ, რაშიც ალბათ დანიელი პოლიტიკოსის წვლილი მცირეა. თუმცა, ზოგიერთი პოლიტიკოსი მაინც ცდილობს, ალიანსში უკრაინის გაწევრების გაჭიანურება რასმუსენს გადააბრალოს. მათივე თქმით, რასმუსენის რჩევებს კიევში უკვე არავინ უსმენდა. შესაბამისად, მან გამოსავალი იპოვა და თავისი გამოცდილების გამოყენება ლატვიის ფინანსებში სცადა.

ანდერს ფოგ რასმუსენი, მსოფლიოში ცნობილი დანიელი პოლიტიკოსია. 1987-92 წლებში მას საგადასახადო და ფინანსთა მინისტრის პოზიცია ეჭირა. მოგვიანებით, 2001-2009 წლებში, იყო ნატოს გენერალური საბჭოს მდივანი... რამდენიმეწლიანი წარმატებული კარიერის შემდეგ, სწორედ, ლატვიაში სიდიდით მერვე, "რუსული ფესვების" ბანკს გაუმართლა, ასეთი ცნობილი პოლიტიკოსი სამსახურში აეყვანა, რამაც საერთაშორისო საზოგადოებაში გარკვეული ეჭვები წარმოშვა.

ლალი პაპასკირი

AMBEBI.GE