ძლიერი მიწისძვრა ტაივანში - დანგრეულია სასტუმროს შენობა

ტაივანის აღმოსავლეთ ნაწილში 6,1 მაგნიტუდის სიმძლავრის მიწისძვრის შედეგად, სასტუმროს შენობა დაინგრა. ამის შესახებ ტელეარხი TVBS იუწყება.

ამ დროისთვის მსხვერპლის შესახებ ინფორმაცია არ ვრცელდება. მიწისქვეშა ბიძგები ადგილობრივი დროით 23:50 საათზე (თბილისის დროით 19:50 საათზე), ქალაქ ჰუალიანთან ახლოს, 5 კილომეტრის სიღრმეში დაფიქსირდა.

ამავე ქალაქთან ახლოს 6,4 მაგნიტუდის სიმძლავრის მიწისძვრა კვირასაც დაფიქსირდა.