ომს გამოქცეული 4 წლის ბიჭუნას უმძიმესი ფოტო-ისტორია...

სოციალურ ქსელებში ვრცელდება პატარა ბიჭის ფოტო, რომელიც უდაბნოში მიდის. ბავშვი სირიიდან იორდანიის მიმართულებით მიდის.

4 წლის მარვანი გაეროს თანამშრომლებმა იპოვეს, იორდანიისა და სირიის საზღვართან ახლოს. ბიჭს ხელში ჩანთა უჭირავს,

სურათები, რომელიც დღესაც ვირუსულად ვრცელდება "ფეისბუქზე", 2014 წელს არის გადაღებული.

"დეილი მეილის" ინფორმაციით, გაეროს თანამშრომლები მას დაეხმარნენ, საზღვარი გადაეკვეთა. მოგვიანებით კი ორგანიზაციის წარმომადგენლებმა გაავრცელეს ინფორმაცია, რომ მარვანის დედა და ოჯახის სხვა წევრებიც იპოვეს.

სირიაში კონფლიქტის დაწყებიდან 130 ათასზე მეტი ადამიანი გარდაიცვალა, 2.5 მლნ-ზე მეტი კი იძულებული გახდა, ქვეყანა დაეტოვებინა.