ერთი წლის მანძილზე საქართველოში სასწრაფო 2 074 190-ჯერ გამოიძახეს
1 წლის მანძილზე 112-ში სასწრაფოს გამოძახების 2 074 190 შემთხვევა დაფიქსირდა. აღნიშნული რაოდენობის ზარები გადაუდებელი დახმარების ოპერატიულ მართვის ცენტრში 2017 წლის პირველი იანვრიდან 2018 წლის 22 თებერვლამდეა შესული, აქედან მხოლოდ თბილისიდან ერთ მილიონზე მეტი გამოძახება დაფიქსირდა.
აღნიშნული ინფორმაცია Ambebi.ge-მ შინაგან საქმეთა სამინისტროდან გამოითხოვა. უწყებაში განმარტავენ, რომ სასწრაფო-სამედიცინო ბრიგადის გამოძახების მიზნით განხორციელებული შეტყობინებების უმეტესობა გულმკერდისა და მუცლის არეში ტკივილის, მაღალი წნევის, სუნთქვის გაძნელების, ჰიპოთერმიის, უგონო მდგომარეობისა და საკვებით ან ალკოჰოლით ინტოქსიკაციას უკავშირდება.
საინტერესოა, რამდენი სასწრაფო დახმარების რეანომობილი ემსახურება თბილისს, მაშინ, როცა დაახლოებით 14 თვეში დედაქალაქში 1 069 560 გამოძახება დაფიქსირდა?
თბილისის სასწრაფო სამედიცინო დახმარების ცენტრის ინფორმაციით, დღეს დედაქალაქს სასწრაფო სამედიცინო დახმარების 97 ავტომობილი ემსახურება. როგორც AMBEBI.Ge-ს ცენტრში განუცხადეს, მიმდინარე წლის მარტის ბოლოს მატერიალურ-ტექნიკური ბაზის განახლება იგეგმება.
"ცენტრს ეყოლება 10 ახალი ავტომობილი, რომელიც ძველ ავტომობილებს ჩაანაცვლებს" - განაცხადეს თბილისის სასწრაფო სამედიცინო დახმარების ცენტრში.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
