ჩეხეთში, ნავთობგადამამუშავებელ ქარხანაში აფეთქების შედეგად, ექვსი ადამიანი დაიღუპა

ჩეხეთში, Unipetrol-ის ნავთობგადამამუშავებელ ქარხანაში აფეთქებას ექვსი ადამიანის სიცოცხლე ემსხვერპლა. არიან დაშავებულები, - იუწყება „როიტერსი“ ჩეხეთის სახანძრო სამსახურზე დაყრდნობით.

აფეთქება პრაღიდან ჩრდილოეთით, 31 კილომეტრის მოშორებით მოხდა. ქარხანა წლიურად 3,2 მილიონ ტონა ნავთობს გადაამუშავებს. პოლიციის ინფორმაციით, ადგილზე საგანგებო სამსახურის თანამშრომლები მუშაობენ. ორი ადამიანი საავადმყოფოშია გადაყვანილი.