"ჩემ გვერდით დაწექი" - 15 წლის გოგონას მიერ გადაღებული ვიდეო, სადაც მასზე, სავარაუდოდ, მასწავლებელი ძალადობს

15 წლის გოგონა, რომელიც 70 წლის პედაგოგს სექსუალურ შევიწროებაში ადანაშაულებს, ამბობს, რომ მასწავლებლის სახლში ძალადობის ვიდეო გადაიღო.

ტელეკომპანია "რუსთავი 2"-ის მიერ გავრცელებულ ვიდეოში ისმის, რომ ბავშვი მასწავლებელს სექსუალური ძალადობის შეწყვეტას სთხოვს, წინააღმდეგ შემთხვევაში, საფეხბურთო გუნდიდან წასვლით ემუქრება. 70 წლამდე მასწავლებელი კი გოგონას აშანტაჟებს, ფიზიკური შეურაცხყოფით ემუქრება და უყვირის.

ნახეთ ვიდეო : "ჩემ გვერდით დაწექი" - 15 წლის გოგონა პედაგოგს სექსუალურ შევიწროებაში ადანაშაულებს

სექსუალური შევიწროების შემდეგ, გოგონას ფსიქოლოგების დახმარება დასჭირდა. მას ექიმებმა მკურნალობის კურსი დაუნიშნეს.

გამოძიება სისხლის სამართლის კოდექსის 141-ე მუხლით მიმდინარეობს, რაც გარყვნილ ქმედებას გულისხმობს.