სამი ქართველი გოგონას შექმნილი "რობოტი ლაბორანტი", რომელმაც შემქმნელებს NASA-ს საგზური მოუტანა

სამი ქართველი გოგონას შექმნილი "რობოტი ლაბორანტი", რომელმაც შემქმნელებს NASA-ს საგზური მოუტანა

სამი გამომგონებელი მოსწავლე - 17 წლის თამო მიქელაძე და ნინი ხუნძაკიშვილი და 15 წლის ანი თეთრაშვილი ზაფხულში NASA-ში გაემგზავრება და საოცნებო ადგილს მოინახულებს. გოგონები ჩაერთვებიან ერთკვირიან საგანმანათლებლო პროგრამაში, რომელიც სხვადასხვა სამეცნიერო და ტექნიკურ აქტივობას მოიცავს. პატარა გამომგონებლები ასევე NASA-ს კოსმოსური ცენტრის უნივერსიტეტის პროგრამის ფარგლებში ჰიუსტონის კოსმოსური ცენტრის მუზეუმებს, გალერეებს და ისეთ დახურულ ადგილებს დაათვალიერებენ, სადაც ვიზიტორებსა და ტურისტებს არ უშვებენ.

ყველაფერი "რობოტი ლაბორანტის" შექმნის იდეით დაიწყო, რომელიც განხორციელების შემდეგ "ათასწლეულის ინოვაციის კონკურსზე" გაიტანეს და პირველი ადგილიც მიიღეს. როგორც გუნდის ერთ-ერთი წევრი თამო მიქელაძე ამბობს, გამოგონების განხორციელებაში დიდი წვლილი მიუძღვის გიმნაზია AIA GESS-სს, სადაც მოსწავლეები STEM-ის (მეცნიერება, ტექნოლოგია, ინჟინერია, მათემატიკა) წრეზე დადიან და მენტორთან, დავით სონღულაშვილთან ერთად სხვადასხვა პროექტზე მუშაობენ.

თამოს და მისი გუნდის წევრებს აწუხებდათ, რომ ბავშვების დიდ ნაწილს სამეცნიერო ლაბორატორიებზე წვდომა არ აქვს, რაც საბუნებისმეტყველო საგნების შესწავლას ართულებს. სწორედ აქედან გაჩნდა "რობოტი ლაბორანტის" შექმნის იდეა...

"ვიფიქრეთ, რატომ არ შეიძლებოდა გაგვეკეთებინა უკვე რეალური და დისტანციურად, ნებისმიერი ადგილიდან მართვადი ლაბორატორია. შემდეგ ეს იდეა მენტორთან ერთად დავხვეწეთ და მუშაობა დავიწყეთ. ჩვენი მიზანი იყო, რომ დაინტერესებულ პირებს, რომელთაც შეზღუდული შესაძლებლობები აქვთ ან მაღალმთიან რეგიონებში ცხოვრობენ, ცოდნა არამხოლოდ წიგნების და ინტერნეტის მეშვეობით, არამედ, კვლევებით მიეღოთ და გაეაზრებიანთ მოვლენის ფიზიკური შინაარსი და ექსპერიმენტატორის უნარი ჩამოყალიბებოდათ.

ჩვენი გამოგონების ინოვაციურობა მდგომარეობს იმაში, რომ მსურველს ეძლევა საშუალება, "რობოტი ლაბორანტის" დახმარებით, მსოფლიოს ნებისმიერი წერტილიდან დისტანციურად ჩაატაროს რეალური ცდები და ექსპერტიმენტები ფიზიკაში, ქიმიასა და ბიოლოგიაში განაგრძეთ კითხვა ALLNEWS.GE-ზე

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ