გორის „დილას“ სტადიონზე გულშემატკივრებს შორის დაპირისპირებაა

გორის „დილას“ სტადიონზე „დილას“ გულშემატკივრებსა და თბილისის „დინამოს“ ფანებს შორის დაპირისპირებაა. აღნიშნულის შესახებ ინფორმაციას რადიო „თავისუფლება“ ავრცელებს. მათივე ინფორმაციით, დამტვრეულია ინვენტარი, სტადიონზე ქვებს ისვრიან.

არსებული ინფორმაციით, თბილისის „დინამოს“ გულშემატკივრებს სამართალდამცავები სტადიონის ტერიტორიიდან არ უშვებენ. გორის დილას გულშემატკივრების გაყვანას კი ტერიტორიიდან პოლიცია ცდილობს.

ცოტა ხნის წინ ეროვნული პირველობის მატჩი ფრედ დასრულდა. მოგვიანებით კი, გუნდების ფანკლუბებს შორის დაპირისპირება დაიწყო.