თბილისში რამდენიმე ქუჩაზე მოძრაობა დროებით აიკრძალება

ევროპის დღის აღნიშვნასთან დაკავშირებით, დღეს და ხვალ, თბილისში რამდენიმე ქუჩაზე მოძრაობა აიკრძალება. ამის შესახებ ინფორმაციას საპატრულო პოლიცია ავრცელებს.

„შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ მიმდინარე წლის 5 მაისს თბილისში, რიყის პარკსა და ევროპის მოედანზე ევროპის დღე აღინიშნება, რის გამოც, საზოგადოებრივი წესრიგისა და უსაფრთხოების დაცვის მიზნით, მიმდებარე ტერიტორიასა და გარკვეულ ქუჩებზე მოძრაობა აიკრძალება.4 მაისს, 21:00 საათიდან ავტოტრანსპორტის მოძრაობა აიკრძალება: ევროპის მოედნიდან ღვინის აღმართის მიმართულებით; მეტეხის ტაძრის ცენტრალური შესასვლელიდან ევროპის მოედნის მიმართულებით; მეტეხის ქუჩაზე და წრიული მოძრაობა ევროპის მოედანზე.5 მაისის, 17:00 საათიდან 23:00 საათამდე მოძრაობა, ასევე, აიკრძალება გორგასლის მოედნიდან ევროპის მოედნის მიმართულებით.ევროპის მოედანზე მოძრაობა ნაწილობრივ აღდგება 5 მაისის 00:00 საათიდან, ხოლო 6 მაისის 10:00 საათიდან - სრულად“, - ნათქვამია ინფორმაციაში.