სად არიან ჟურნალისტები, როცა მთაწმინდაზე "ქართული ოცნების" ყრილობა მიმდინარეობს

პოლიტიკური გაერთიანება “ქართული ოცნება - დემოკრატიული საქართველოს” რიგით მეხუთე ყრილობას მართავს. ყრილობა პარტიის ახალ თავმჯდომარეს და განახლებულ პოლიტსაბჭოს აირჩევს. მთაწმინდაზე, "ანდერვილ კლუბში" უკვე შეიკრიბნენ "ქართული ოცნების" წარმომადგენლები და პარტიის მხარდამჭერები, რომლებიც ყრილობაზე არიან მიწვეულნი. ადგილზე მივიდა ბიძინა ივანიშვილი.

შეკრების ადგილზე ლურჯი ფერის ხალიჩაა დაგებული, რომელზეც სტუმრებმა გაიარეს კლუბში შესვლამდე. ჟურნალისტები ყრილობის დარბაზში არ დაუშვეს. მათთვის ლურჯი ხალიჩის მიღმა სპეციალური სივრცეა გამოყოფილი, სადაც მედიის წარმომადგენლები ქოლგებითა და საწვიმრებით დგანან და რესპონდენტებს ელოდებიან. "ბრეზენტით" გადახურულ კარავში კი დიდი ეკრანი დგას, საიდანაც ჟურნალისტებს ყრილობაზე გამომსვლელების მოსმენა და მათი გადაღება შეუძლიათ.

ავტორი; ფოტო: ნინო ხოზრევანიძე