ავლაბარში წყლის ჭავლის მანქანები შენიშნეს
თბილისში, რუსთაველის გამზირზე, პარლამენტის წინ საპროტესტო აქცია მიმდინარეობს. აქციის მონაწილეები წუხელ კლუბ “ბასიანსა” და კლუბ “გალერიში” ჩატარებულ სპეცოპერაციას აპროტესტებენ და ითხოვენ ქვეყნის უმაღლესი თანამდებობის პირების გადადგომას.
აქციის ტერიტორიაზე ასობით სამართალდამცველია, არსებობს ინფორმაცია სპეცრაზმის მობილიზებასთან დაკავშირებით. თვითმხილველებმა ავლაბარში წყლის ჭავლიანი მანქანებიც შენიშნეს, რომელიც როგორც წესი აქციების დარბევის დროს გამოიყენება. შსს არ ადასტურებს სპეც-მანქანების მობილიზებას, თუმცა თვითმხილველი გიორგი გოდერძიშვილი "ფეისბუქში" კადრებს ავრცელებს და ამბობს, რომ ორი მანქანა შენიშნა.
აქციის მონაწილეებს შემდეგი 4 მოთხოვნა აქვთ: პირველი - თანამდებობა დატოვოს პრემიერ-მინისტრმა გიორგი კვირიკაშვილმა; მეორე - გადადგეს შინაგან საქმეთა მინისტრი გიორგი გახარია; მესამე - დაისაჯოს ძალადობრივ ოპერაციაზე პასუხისმგებელი ყველა პირი; მეოთხე - დადგეს „ქართული ოცნების“ პოლიტიკური პასუხისმგებლობის საკითხი. საპროტესტო აქცია “თეთრი ხმაურის მოძრაობის” ორგანიზებით იმართება.
სამართალდამცველებმა აქციის მონაწილეებს საავტომობილო გზის ნაწილი დაუთმეს. ადგილზე მობილიზებულმა პოლიციელებმა აქციის მონაწილეების მოთხოვნა, რომ ისინი ბევრნი იყვნენ და ვერ ეტეოდნენ პარლამენტის წინ მდებარე ტერიტორიაზე, გაითვალისწინეს. რუსთაველის გამზირზე საავტომობილო მოძრაობა მხოლოდ ერთი მიმართულებით - თავისუფლების მოედნიდან რუსთაველის მეტროსკენ ხდება.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
