"ყველა მოთხოვნაზე მიდის მოლაპარაკება, შესაძლოა, მივიღოთ მნიშვნელოვანი შედეგები" - წიქარიშვილი გახარიასთან შეხვედრის შესახებ

"თეთრი ხმაურის" მოძრაობის წევრი და აქციის მონაწილე ბექა წიქარიშვილი შს მინისტრთან მიმდინარე მოლაპარაკებიდან აქციაზე დაბრუნდა. წიქარიშვილის თქმით, გიორგი გახარიასთან მოლაპარაკება მიდის ყველა მოთხოვნაზე.

"შესაძლოა, მივიღოთ ძალიან მნიშვნელოვანი შედეგები. ამიტომ, გთხოვთ, შევინარჩუნოთ სიმშვიდე და მშვიდი ტონი," - განუცხადა ბექა წიქარიშვილმა აქციის მონაწილეებს.

განცხადების შემდეგ ის კვლავ მინისტრთან შეხვედრაზე დაბრუნდა.

გიორგი გახარიასა და "თეთრი ხმაურის მოძრაობის" წევრების მოლაპარაკება პარლამენტის შენობაში მიმდინარეობს. წიქარიშვილის გარდა, მას, სავარაუდოდ, ნაჯა ორაშვილი და ვახუშტი მენაბდეც ესწრებიან.