"ღმერთების ბრძოლა" - საინტერესო ფაქტები სუმოზე და ქართველ სუმოისტებზე

"ღმერთების ბრძოლა" - საინტერესო ფაქტები სუმოზე და ქართველ სუმოისტებზე

ოთხი თვეა მთელი საქართველო საუბრობს სუმოზე - ეს მას შემდეგ, რაც პირველად სუმოს ისტორიაში, იმპერატორის თასის მფლობელი ქართველი გახდა. სუმო - სიტყვასიტყვით ურთიერთცემას ნიშნავს. ეს არ არის უბრალოდ სპორტი,

ეს ღმერთების ბრძოლაა და ქართველი ლევან გორგაძე, იგივე ტოჩინოშინი,
ღმერთების ბრძოლაში საუკეთესოა.

(ასე იწერება სუმო იაპონურად)

სუმო ამომავალი მზის ქვეყანაში

2500 წლის წინ ჩაისახა.

ოფიციალურ სპორტის სახეობად ადრეული ედოს პერიოდში (1600-1868) აღიარეს.1909 წელს სუმო იაპონიის ეროვნულ სპორტად აღიარეს

ტერმინები, რომლებიც ხშირად გვესმის და არ ვიცით

ბაშო

ბაშო - 15 დღიანი სუპერტურნირი, წელიწადში ექვსჯერ იმართება. სამი ტოკიოში, სამიც - ოსაკაში, ნაგოიასა და ფუკუოკაში. შედეგებისა და რანგირების მიხედვით, ყოველი ბაშოს წინ დგება და ქვეყნდება რეიტინგი - ბანძუკე.

ტიტულები სუმოში

მაეგაშირა სეივაკეუმცროსი ჩემპიონი ოძეკიჩემპიონი იოკოძუნადიდი ჩემპიონი

დღემდე დიდი ჩემპიონის ტიტული 72 მებრძოლს ერგო, აქედან მხოლოდ ექვსია უცხოელი (ორი ამერიკელი და ოთხი მონღოლი). აკაში შიგანოშუკე (1600- 1649 წლები) მიჩნეულია პირველ იოკოძუნად, თუმცა მსჯელობა იმაზე, ის ლეგენდაა თუ სინამდვილე, ისევ მიმდინარეობს. ითვლება, რომ ის გიგანტური ზომის იყო - 2.58 მეტრი სიმაღლის და 184 კგ-ს იწონიდა

როგორ ვარჯიშობენ?

სუმოს ცხოვრების წესი მოწაფეების მიმართ მკაცრად მომთხოვნია და ახალგაზრდები 5 წლის განმავლობაში თავდაუზოგავად ვარჯიშობენ მაღალი რანგის და სეკიტორის (პროფესიონალი) წოდების ანუ ხელფასიანი მოჭიდავის სტატუსის მოსაპოვებლად. სუმოს უმეტესი საცხოვრებლები მდებარეობს ტოკიოს აღმოსავლეთ ნაწილში. დაბალი რანგის სპორტსმენები მკაცრ პირობებში ცხოვრობენ. იღვიძებენ დილის 4 ან 5 საათზე, იმოსებიან მავაშით და იწყებენ კეიკოს (ვარჯიშს). ისინი ვალდებულები არიან მოემსახურონ მაღალი კლასის მოჭიდავეებს, რომელთაც გვიან გაღვიძების უფლება აქვთ. კეიკო შედგება სამი ტრადიციული ვარჯიშისაგან: შიკო, ტეპო და მატავარი.

რას მიირთმევენ სუმოისტები?

ყოველდღიური კეიკო დაახლოებით შუადღემდე გრძელდება, რომლის შემდეგაც მოჭიდავეები მიირთმევენ წვნიანს - ჩანკო-ნაბეს (მაღალკალორიული წვნიანი, შედგება მრავალი სახის ხორცეულისა და ბოსტნეულისგან), გარნირით, მწნილით და რამდენიმე დიდ თეფშ ბრინჯს, რომელსაც ხშირად 2 ბოთლ ლუდსაც აყოლებენ. საკვების მიღების შემდეგ, მომდევნო რამდენიმე საათი სპორტსმენები ისვენებენ. დიდი რაოდენობით საკვების მიღება იწვევს წონის მომატებას. ფიზიკური ვარჯიშების, დიეტის და ძილის რეჟიმის შედეგად ზოგიერთი სპორტსმენი 150 კილოზე მეტ წონას აგროვებს, ხოლო ზოგიერთი 200 კილომდე აღწევს.

ყველაზე მძიმე სუმოისტი კონისიკი იყო - იგი 315 კგ-ს იწონიდა

როგორ ქორწინდებიან სუმოისტები

მხოლოდ ელიტაში მყოფ სუმოისტს აქვს უფლება, ცოლი მოიყვანოს სხვას არა! დაქორწინების შემდეგ სუმოისტი კლუბში აღარ ცხოვრობს, მაგრამ ახლოსვე სახლდება, რათა დილის ვარჯიშებზე არ დაიგვიანოს. კიდევ ერთი ტრადიციის მიხედვით, სუმოს ტურნირებზე მეუღლის წაყვანა ეკრძალებათ, შესაბამისად, მეორე ნახევრებს ტელევიზორში უწევთ სუმოს მებრძოლების წარმატებების ყურება.

ქართველები სუმოში

საქართველოდან და საერთოდ ევროპიდან პირველი სეკიტორი პროფესიულ სუმოში სოხუმელი ლევან ცაგურია - კოკაი იყო. ის 2001-2012 წლებში ასპარეზობდა და კომუსუბის რანგს მიაღწია.

ლევან გორგაძე (ტოჩინოშინი) მეორე ქართველი სეკიტორია.

თეიმურაზ ჯუღელი (გაგამარუ) მესამე ქართველი სეკიტორი. იგი ამჯერად, რანგით მეორე - ჯურიოს ლიგაში გამოდის.

როგორ ამარცხებს კოკაი მონღოლ ასაშორიუს გაგამარუს და ტოჩინოშინის შერკინება ტოჩინოშინმა 40-გზის ჩემპიონი იოკუძუნა დაამარცხა

ტოჩინოშინი - ქართველი იმპერატორი

ლევან გორგაძის შიკონა (საბრძოლო სახელი) სრულად ასე გამოითქმის: ტოჩინოშინ ცუიოში. ტოჩიგი ლევან გორგაძის კლუბის პრეზიდენტის მშობლიური მხარეა. შინ - იაპონურად გულია. ცუიოში - ძლიერს ნიშნავს. გამოვიდა: ტოჩიგის ძლიერი გული.

2018 წელს, პირველად სუმოს ისტორიაში, ქართველი იმპერატორის თასის მფლობელი გახდა! "ჰაცუ ბაშოს" სუმოისტთა ტურნირზე ტოჩინოშინი 13 გამარჯვებით და 1 მარცხით ერთი ტურით ადრე გახდა გამარჯვებული. მე-14 ტურის შეხვედრებში ქართველი იაპონელ შოჰაზანს დაუპირისპირდა, საკმაოდ მნიშვნელოვან შეხვედრაში ქართველმა არაფერი დათმო და ახალი ისტორია დაწერა.

24 მაისს ნაცუ ბაშოს ტრადიციული ტურნირის მეთორმეტე საშეჯიბრო დღე გაიმართა და ტოჩინოშინმა 40-გზის ჩემპიონი დაამარცხა.

30 მაისს, ლევან გორგაძემ ოფიციალურად დადო ოძეკის ფიცი და ამიერიდან სუმოს სამყაროში იერარქიის მეორე საფეხურზე განაგრძობს ასპარეზობას.

ქართველმა ფალავანმა, როგორც წესები მოითხოვდა, ტიტულის მისაღებად ფიცი წარმოთქვა და პირობა დადო, რომ ღირსეულად დაიცავს აღნიშნულ წოდებას. ოძეკი ქართულად იშიფრება, როგორც ჩემპიონი და იგი სუმოს იერარქიის უმაღლესი წოდება გახლავთ, იოკოძუნას (ანუ უძლეველი ჩემპიონის) შემდეგ.

ტოჩინოშინი მესამე ევროპელი სუმოისტია, ვინც ეს წოდება მიიღო.

ავტორები: ლევან ტაბატაძე, ვაჟა სიმონიშვილი, ნარიტა ჩხაიძე, ვალერი ლუაშვილი, გიორგი კაკულაშვილი, თამარ ილარიონოვა

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ