დღეს დილით კიდევ ერთი მიწისძვრა მოხდა

საქართველო-სომხეთის საზღვრიდან 8 კილომეტრში დღეს დილით მიწისძვრა მოხდა. დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ინფორმაციით, მიწისძვრა დღეს, თბილისის დროით 07:58 საათზე, საქართველო-სომხეთის სახელმწიფო საზღვრიდან 8 კმ-ში დაფიქსირდა.

მიწისქვეშა ბიძგების სიმძლავრემ 3.9 მაგნიტუდა შეადგინა.

შეგახსენებთ, საქართველო-აზერბაიჯანის საზღვრიდან 28 კილომეტრში 5.6 მაგნიტუდის სიმძლავრის მიწისძვრა გუშინ, 22:40 საათზე მოხდა.