"თეა, წადი" - ფოტოგალერეა იუსტიციის მინისტრის გადადგომის მოთხოვნით გამართული აქციიდან

"თეა, წადი" - ამ ლოზუნგით იუსტიციის სახლთან არასამთავრობო ორგანიზაციებმა აქცია გამართეს. აქციის მონაწილეების შეფასებით, მთელი ამ პერიოდის განმავლობაში თეა წულუკიანის ქმედებები ხშირად იყო არაკანონიერი და არამართლგონიერი, რაც ქვეყნის ინტერესებსაც ზიანს აყენებდა.

აქციაზე იმყოფებოდნენ იუსტიციის სამინისტროს ყოფილი თანამშრომლები, რომლებიც თეა წულუკიანის ბრძანების საფუძველზე სამსახურიდან გაათავისუფლეს, მათი ნაწილი კი სასამართლოს გადაწყვეტილებით აღდგა სამსახურში, თუმცა თეა წულუკიანი, მათივე განცხადებით, არ დაემორჩილა სასამართლოს გადაწყვეტილებას და ისინი ამ დრომდე არ არიან იუსტიციის სამინისტროს თანამშრომლები.

აქციის მონაწილეებს სხვადასხვა ტრანსფარანტებთან ერთად ასევე ეჭირათ ფეისბუქ "სმაილები", რაც ე.წ. "ჰაჰას" აღნიშნავდა, ნიშნად იმისა, რომ საზოგადოების დიდი ნაწილი თეა წულუკიანის განცხადებებს სასაცილოდ აღიქვამს.