გარემოს ეროვნული სააგენტო: მდინარე ნენსკრას დონე 30 სანტიმეტრამდეა დაწეული

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს გეოლოგები და ჰიდროლოგები ამ დრომდე ჭუბერში, სტიქიის ზონაში რჩებიან.

სამინისტროს სპეციალისტების განმარტებით, მიუხედავად იმისა, რომ მთელი ღამის განმავლობაში ნენსკრას ხეობაში ადგილი ჰქონდა უხვი ნალექის მოსვლას, სააგენტოს სპეციალისტებმა მდინარის სხვადასხვა წერტილზე გაზომვები განახორციელეს და მონიტორინგის შედეგებზე დაყრდნობით შეიძლება ითქვას, რომ მდინარის დონე დაწეულია დაახლოებით 30 სმ-მდე. სააგენტოს სპეციალიტები სტიქიის ზონაში ადგილზე აგრძელებენ მონიტორინგს.

ამასთან, სინოპტიკოსების ინფორმაციით, მესტია-ჭუბერის ტერიტორიაზე 7 ივლისს მოსალოდნელია საშუალო ინტენსივობის ნალექი, ხოლო შემდგომი ორი დღის განმავლობაში, ნალექის ინტენსივობა მნიშვნელოვნად შესუსტდება.

იხილეთ ვიდეო: გეოლოგის კომენტარი სტიქიის ზონიდან - რამდენი სანტიმეტრით დაიწია ნენსკარას დონემ და რა მონიტორინგის შედგები აქვს გარემოს ეროვნული სააგენტოს?