ფაროსანას საწინააღმდეგო წამლობის შემდეგ, სამეგრელოსა და გურიაში წყლის და ნიადაგის სინჯები აიღეს

ფაროსანას საწინააღმდეგო წამლობის შემდეგ, სამეგრელოსა და გურიაში წყლის და ნიადაგის სინჯები აიღეს

გურიის გუბერნატორი მერაბ ჭანუყვაძე დღეს, მონიტორინგის ჯგუფის წევრებს შეხვდა, რომლებიც აზიური ფაროსანას საწინააღმდეგო წამლობის შედეგებს - გარემოსა და ადამიანის ჯანმრთელობაზე მის გავლენას სწავლობენ.

ამ მიზნით, ჯანმრთელობის დაცვისა და გარემოს დაცვის სპეციალისტებისგან დაკომპლექტებული ჯგუფის მიერ, სამეგრელოს რეგიონში აღებული იყო წყლის და ნიადაგის სინჯები. ლაბორატორიული კვლევის შედეგად, პესტიციდების ნაშთები ნორმით დადგენილ ზღვრულ მაჩვენებელს არ აღემატებოდა. ანალოგიური კვლევა ჩატარდება გურიის რეგიონშიც.

მერაბ ჭანუყვაძის განცხადებით, ფაროსანას საწინააღმდეგო ღონისძიებების ჩატარებისას უსაფრთხოების წესების დაცვა მნიშვნელოვანია.

"მავნებლის საწინააღმდეგო ღონისძიებების პარალელურად, მნიშვნელოვანია დაცული იყოს ჩვენი მოქალაქეების ჯანმრთელობა, უსაფრთხოების წესები და გარემო. ამ მიზნით ჩვენ აქტიურად ვითანამშრომლებთ სპეციალისტებთან და მუდმივი კომუნიკაცია გვექნება საზოგადოებასთან" - განაცხადა მერაბ ჭანუყვაძემ.

უსაფრთხოების წესების დაცვის მიზნით, მავნებელთან ბრძოლის საკოორდინაციო შტაბში შექმნილია გზავნილების სისტემა, რომლის მეშვეობითაც დაგეგმილი წამლობის შესახებ ინფორმაცია წინასწარ მიეწოდება ადგილობრივ თვითმმართველ ერთეულებს. აგრეთვე, წამლობის დაწყებამდე მოსახლეობის ინფორმირება ხდება სპეციალიზებული ტექნიკის ხმის გამაძლიერებლებით.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ