საბერძნეთი ქვეყნიდან ორ რუს დიპლომატს აძევებს და ქვეყანაში შესვლას კიდევ ორ დიპლომატს უკრძალავს. ამის შესახებ ბერძნული გამოცემა Kathimerini მაღალი რანგის დიპლომატიურ წყაროებზე დაყრდნობით წერს.
გამოცემის ინფორმაციით, აღნიშნული გადაწყვეტილება საბერძნეთის ტერიტორიაზე რუსი დიპლომატების უკანონო საქმიანობაზე ათენის პასუხს წარმოადგენს. გამოცემის წყაროების მტკიცებით, დიპლომატების უკანონო საქმიანობაში ინფორმაციის მოპოვებისა და გავრცელების მცდელობები და სახელმწიფო მოხელეების მოსყიდვა იგულისხმება.