იაპონიაში ძლიერი წვიმებისა და მეწყერის შედეგად დაღუპულთა რიცხვი 216 ადამიანამდე გაიზარდა. ამ მომენტისთვის 27 ადამიანი უგზო-უკვლოდ დაკარგულად ითვლება. ამის შესახებ საინფორმაციო სააგენტო „კიოდო“ პოლიციის მთავარ სამმართველოზე დაყრდნობით იუწყება. აღსანიშნავია, რომ ყველაზე მეტი ადამიანი (106) ჰიროსიმას პრეფექტურაში გარდაიცვალა. გასული კვირის ბოლოს იაპონიის სამხრეთ-დასავლეთ და ცენტრალურ ნაწილებში ძლიერი წვიმა მოვიდა, რამაც მეწყერი და წყლის ადიდება გამოიწვია. ამ მომენტისთვის 4 ათასი ადამიანი საევაკუაციო პუნქტებში იმყოფება.