ავარია მარშალ გელოვანის გამზირზე - გარდაცვლილია დასუფთავების სამსახურის თანამშრომელი

თბილისში, მარშალ გელოვანის გამზირზე მომხდარ ავტოსაგზაო შემთხვევას “თბილსერვისის“ თანამშრომლის სიცოცხლე ემსხვერპლა. დასუფთავების სამსახურის ავტომობილს სამარშრუტო ტაქსი დაეჯახა. თვითმხილველთა ინფორმაციით, დასუფთავების სამსახურის ავტომობილს სამარშუტო ტაქსი უკნიდან იმ დროს შეეჯახა, როცა მანქანა ნაგვის ურნებთან უნდა გაჩერებულიყო. „თბილსერვისის“ ერთ-ერთი თანამშრომელი ადგილზე გარდაიცვალა.შსს-ს ინფორმაციით, ავტოსაგზაო შემთხვევის შედეგად დაშავდა ორი ადამიანი, გარდაცვლილია - ერთი. გამოძიოება სისხლის სამართლის კოდექსის 276-ე მუხლის მეხუთე ნაწილით მიმდინაროებს.

იხილეთ ვიდეო: რას ამბობს დასუფთავების მანქანის მძღოლი, რომლის თანამშრომელი ავარიისას დაიღუპა: "პუნქტთან უნდა გაგვეჩერებინა და უკნიდან შეგვეჯახა "მარშუტკა"