როგორ მოხდება ტაქსის ნებართვის აღება - პროცესი დღეიდან დაიწყო

ტაქსის მძღოლები ნებართვების მიღებას დღეიდან შეძლებენ. აღნიშნული ნებართვის აღების ფასი ჩვეულებრივი მსუბუქ ავტომობილებზე 100 ლარი; ჰიბრიდულებზე - 50 ლარი; ხოლო ელექტროავტომობილებზე უფასოა. ის ტაქსის მძღოლები კი, რომლებსაც აღნიშნული ნებართვა არ ექნებათ და ისე განახორციელებენ მგზავრთა გადაყვანას, 2018 წლის პირველი ოქტომბრიდან 200 ლარით დაჯარიმდებიან.

დედაქალაქის საკრებულომ ტაქსით (M1 კატეგორია) გადაყვანის სანებართვო პირობების, ნებართვის გაცემის წესის, ნებართვის მოქმედების ვადის, ნებართვის გაცემის ფასისა და მისი გადახდის წესის, სანებართვო მოწმობის ფორმის, ნებართვის მქონე პირების შესახებ ერთიანი საინფორმაციო ბაზის შექმნის, განახლებისა და დამუშავების წესი უკვე განსაზღვრა.

წესის თანახმად, დაინტერესებულმა პირმა ნებართვის მისაღებად ელექტრონული განცხადება ელექტრონულ მისამართზე: www.taxi.tbilisi.gov.ge უნდა შეავსოს. აღნიშნული ვებგვერდის გამართულ ფუნქციონირებას კი „მუნიციპალური სერვისების განვითარების სააგენტო“ უზრუნველყოფს. განაგრძეთ კითხვა