ქართველი მოჭიდავეები რუსეთის დროშის ფერებში შეკერილი მაისურებით, რომელზეც ჩრდილოეთ ოსეთის პარლამენტარია გამოსახული
საქართველოს თავისუფალი სტილით მოჭიდავეთა ნაკრების წევრებმა და მთავარმა მწვრთნელმა რუსეთის დროშის ფერებში შეკერილი, ჩრდილოეთ ოსეთის პარლამენტის წევრ ძამბოლატ თედეევის გამოსახულებიანი მაისურები მოირგეს.
ინფორმაციას ამასთან დაკავშირებით რადიო „თავისუფლება“ ავრცელებს. ფოტოზე, რომელიც „რადიო თავისუფლებას“ მიაწოდეს, ქართველი და რუსი მოჭიდავეები ერთად დგანან. მსოფლიო ჩემპიონებს - გენო პეტრიაშვილსა და ზურაბ იაკობიშვილს და ნაკრების თავკაც გიორგი იანტბელიძეს, ერთნაირი მაისურები აცვიათ, რომელზეც რუსეთის დროშის ფონზე გამოსახულია ძამბოლატ თედეევის ფოტო.
თედეევი რუსეთის ნაკრების მთავარი მწვრთნელი და ჩრდილოეთ ოსეთის პარლამენტის დეპუტატია. აღსანიშნავია რომ მას დე ფაქტო სამხრეთ ოსეთის ე.წ საპრეზიდენტო არჩევნებში მონაწილეობის სურვილი ჰქონდა, თუმცა კანდიდატად არ დაარეგისტრირეს.
მთავარი ფოტო: რადიო თავისუფლება
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
