ავტორი:

საზარელი ავარია რაჭაში ონისე ონიანის სახლთან მოხდა - "ერთ-ერთ მგზავრი, რომელიც გარდაიცვალა, ჩვენს ეზოში გადმოვარდა"

საზარელი ავარია რაჭაში ონისე ონიანის სახლთან მოხდა - "ერთ-ერთ მგზავრი, რომელიც გარდაიცვალა, ჩვენს ეზოში გადმოვარდა"

რაჭაში, სოფელ სადმელში მომხდარ საზარელ ავარიას სამი ადამიანის სიცოცხლე ემსხვერპლა. შემთხვევა რამდენიმე საათის წინ მოხდა. მსუბუქი ავტომობილი ჯერ ბორდიურზე ავარდა, შემდეგ კი ღობეს დაეჯახა და ამის შემდეგ საცხოვრებელი სახლის ეზოსთან, კაკლის ხეს შეეჯახა. შინაგან საქმეთა სამინისტროს ინფორმაციით, შემთხვევის შედეგად გარდაიცვალნენ ავტომობილის მძღოლი და 2 მგზავრი. ასევე დაშავებულია ორი პირი.

ავარია მსახიობ ონისე ონიანის სახლთან მოხდა. იგი სოფელ სადმელში დასასვენებლად იმყოფება და ავარიას თავადაც შეესწრო. მომხდარის შესახებ მან Ambebi.ge-ს უამბო:

- ამბროლაურის რაიონში, სოფელ სადმელში მაქვს სახლი, სწორედ იქ მოხდა ავტოსაგზაო შემთხვევა. ჩვენც სასაუწლებრივად გადავრჩით. ეზოში ვისხედით, ფანჩატურში, როცა ჩვენს სახლთან მომავალ ავტომობილს საბურავი გაუსკდა და ტრაგედია მოხდა. დაახლოებით 15 მეტრის დაშორებით ვისხედით. მანქანაში სულ 6 ადამიანი იმყოფებოდა, გვერდზე სოფლის მცხოვრებლები იყვნენ. აქედან სამი დაიღუპა.

- თქვენს ეზოში შემოვარდა მანქანა?

- ჩვენს ეზოში არ შემოვარდნილა, ხეს დაეჯახა.... ამ ხემ შეაჩერა. თუმცა ერთ-ერთი მგზავრი, რომელიც ამ ავარიის შედეგად გარდაიცვალა, ჩვენთან ეზოში გადმოვარდა. სასწრაფოს მოსვლამდე ყველაფერი გავაკეთეთ, ვცადეთ მათი გადარჩენა, მაგრამ ეს შეუძლებელი აღმოჩნდა. ჩვენც სასწაულებრივად გადავურჩით სიკვდილს, რისთვისაც ღმერთს მადლობას ვუხდი. ფაქტიურად, ხემ გადაგვარჩინა, კარგი იქნებოდა იმ მგზავრების გადარჩენაც მომხდარიყო, მაგრამ ჩვენ ვცადეთ და ეს შეუძლებელი აღმოჩნდა.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ