როგორ ანადგურებენ ფაროსანას "მოიზიდე და გაანადგურეს" პრინციპით - კადრები წალენჯიხიდან

დასავლეთ საქართველოს სხვადასხვა რეგიონში გრძელდება ღონისძიებები მავნებლის - აზიური ფაროსანას წინააღმდეგ. სხვადასხვა მუნიციპალიტეტში მიმდინარეობს აზიური ფაროსანას საწინააღმდეგო შეწამლვითი სამუშაოები. შესაბამისი სამსახურების წარმომადგენლები, სამეგრელოსა და ზემო სვანეთის რეგიონებში ამონტაჟებენ ფერომონებს, რომელთა საშუალებით ხდება მავნებლის მოზიდვა.

ფერომონების დამონტაჟების შემდეგ, ხორციელდება შეწამლვითი სამუშაოები. ამას ე.წ "მოიზიდე და გაანადგურე" პრინციპი ეწოდება. დასავლეთ საქართველოს მასშტაბით, სულ დამონტაჟებულია 50 ათასამდე „მოიზიდე და გაანადგურე“ სადგური.

სურსათის ეროვნული სააგენტოს სპეციალისტი ვახტანგ მეტრეველი "ფეისბუქზე" ავრცელებს ფოტოებსა და კადრებს, რომელზეც ასახულია, როგორ ნადგურდება მავნებელი აღნიშნული პრინციპით:

"მდგომარეობა წამლობიდან ერთ საათში სამეგრელო-ზემო სვანეთის რეგიონი, წალენჯიხის მუნიციპალიტეტში 29 აგვისტოს. როგორც ხედავთ, ჩვენს მიერ ჩატარებული წამლობების შედეგად, მიღწეულია საკმაოდ მაღალი ეფექტურობა, ვისაც გაინტერესებთ შეგიძლიათ ამოიაღოთ წალენჯიხაში ან სხვა ნებისმიერ ადგილას, სადაც ჩვენს მიერ ხორციელდება წამლობები და გადაამოწმოთ ჩვენს მიერ ჩატარებული წამლობების შედეგები, ესეთი ეფექტურობა წამლობის დღიდან კიდევ მინიმუმ 10 დღის მანძილზე შენარჩუნდება" - წერს მეტრეველი.