ავღანეთში მოლდოვური ვერტმფრენის ჩამოვარდნას 12 ადამიანი ემსხვერპლა

ავღანეთში მოლდოვური ვერტმფრენის ჩამოვარდა, რის შედეგადაც ეკიპაჟის ორი წევრი და ათი მგზავრი დაიღუპა. მომხდარის შედეგად, მხოლოდ ორი ადამიანი გადარჩა. ამის შესახებ მოლდოვას სამოქალაქო ავიაციაში განაცხადეს.

მათი ინფორმაციით, „MI-8 MTV“ ტიპის ვერტმფრენი, რომელიც ავიაკომპანია „Valan International Cargo Charter“-ს ეკუთვნოდა, ქალაქ მაზარი შარიფის სამხედრო ბაზიდან აფრინდა.

„ბორტზე ეკიპაჟის სამი წევრი უკრაინის მოქალაქეები იყვნენ, 11 მგზავრი კი ავღანეთის მოქალაქეები. გარდაიცვალა ეკიპაჟის ორი წევრი და 10 მგზავრი“, - ნათქვამია ინფორმაციაში.

ვერტმფრენის ჩამოვარდნის მიზეზი უცნობია. მიმდინარეობს გამოძიება.