შსს იმ ტესტებს აქვეყნებს, რომელიც მართვის მოწმობის თეორიულ გამოცდას ემატება
მართვის მოწმობის მისაღები თეორიული გამოცდის ტესტებს სატრანსპორტო საშუალების ეკო-მართვის 51 ტესტი დაემატა, რომელიც შინაგან საქმეთა სამინისტრომ უკვე გამოაქვეყნა. როგორც უწყების განცხადებაშია აღნიშნული, დაინტერესებულ პირებს აღნიშნული ტესტების ნახვა სამინისტროს ვებ-გვერდზე შეუძლიათ http://police.ge/files/testebi.pdf.
ამასთან, უწყების განმარტებით, ეკო-მართვის 51 ახალი საგამოცდო ტესტი ხელს შეუწყობს მომავალი მძღოლების ინფორმირებას და მათი ცნობიერების ამაღლებას ჰაერის დაბინძურების შემცირების მიზნით განსახორციელებელი ღონისძიებების შესახებ.
"მართვის მოწმობის მისაღები თეორიული გამოცდის ტესტებს სატრანსპორტო საშუალების ეკო-მართვის 51 ტესტი დაემატა. აღნიშნული ცვლილება ძალაში 2018 წლის 30 სექტემბრიდან შევა.
ახალი ტესტები სატრანსპორტო საშუალებათა მართვის უფლების მისაღები თეორიული გამოცდის ევროპული სტანდარტების შესაბამისად მომზადდა", - ნათქვამია განცხადებაში.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
