"ანუკი, ბიჭები და მე..." - კახი კალაძე სამშობიაროდან ოჯახურ ფოტოს აქვეყნებს

თბილისის მერი კახა კალაძე და დიზაინერი ანუკა არეშიძე მეოთხე შვილის მშობლები გახდნენ. ანუკამ საკეისრო კვეთით იმშობიარა. როგორც AMBEBI.GE-ს აცნობეს, პატარას მშობლებმა ნიკოლა დაარქვეს და ის 3 290 გ დაიბადა. დიზაინერმა ბავშვი პარიზის სამშობიაროში გააჩინა. ცოტა ხნის წინ სამშობიაროში გადაღებული ოჯახური ფოტო თბილისის მერმა "ფეისბუქის" გვერდზე გაავრცელა.

"ჩვენი სიყვარული და სიხარული გაჩნდა დღეს, დიდი ოჯახის პატარა წევრი-ნიკოლა. ანუკი, ბიჭები და მე დიდ მადლობას გიხდით ყველას გულშემატკივრობისთვის და ჩვენი სიხარულის გაზიარებისთვის!!!!P.S. ჩემი გმირები - ანუკი და ნიკოლა თავს კარგად გრძნობენ" - წერია ფოტოს კომენტირებისას.

როგორც ცნობილია, ორსულობის ბოლო დღეები თბილისის მერის მეუღლემ საფრანგეთსა და იტალიაში გაატარა, მასთან ერთად იყვნენ მისი და კახა კალაძის შვილები - ლევანიკო, კახი უმცროსი და პატარა ვაჩე.