ვინ არის ფოთში აფეთქების შედეგად გარდაცვლილი მამაკაცი

ფოთში მომხდარი შემთხვევის შედეგად გარდაცვლილი აფხაზეთიდან დევნილი, 42 წლის რომან სიჭინავაა. გარდაცვლილის მეზობლებს მომხდარის მიზეზებზე საუბარი უჭირთ.

• „ქვემოთ ეგდო ბავშვი, რომელიც იქვე ჩასარიცხ აპარატთან იდგა“ - თვითმხილველი ფოთში მომხდარ აფეთქებაზე

„განათლებული და კეთილი ბიჭი იყო. გაჭირვებაში გაიზარდა, რა და როგორ მოხდა, ჩვენ არაფერი ვიცით. არ მუშაობდა, დედ-მამის პენსიით ცხოვრობდა პატიოსნად“, - განუცხადა ჟურნალისტებს გარდაცვლილის მეზობელმა ლორა ბერულავამ.

ფოთში გამთენიისას, სავარაუდოდ, ასაფეთქებელი მოწყობილობის აფეთქების შედეგად 4 პირი დაშავდა, მათ შორის, ერთი კლინიკაში მიყვანისთანავე გარდაიცვალა. დაშავდა სამი პირი, მათ შორის, არსებული ინფორმაციით, ერთ-ერთი შემთხვევითი გამვლელი იყო.