რა გამოკვლევები ჩაუტარდა ვანო მერაბიშვილს - კლინიკის დირექტორის კომენტარი
ყოფილმა პრემიერ-მინისტრმა ვანო მერაბიშვილმა, რომელიც შესაბამისი გამოკვლევებისთვის "ავერსის კლინიკაში" დღეს გადაიყვანეს, საავადმყოფო უკვე დატოვა.
როგორც ჟურნალისტებს "ავერსის კლინიკის" გენერალურმა დირექტორმა დიმიტრი ჯორბენაძემ განუცხადა, მერაბიშვილი კლინიკაში სასჯელაღსრულების დაწესებულების გადაწყვეტილებით მიიყვანეს, რომელსაც რამდენიმე სახის გამოკვლევა ჩაუტარდა.
"ვანო მერაბიშვილი იმყოფებოდა კლინიკაში. ის ამბულატორიულად იყო შემოსული. ჩაიტარა ის გამოკვლევები, რაც დანიშნული ჰქონდა პირადი ექიმის მიერ. ეს არის მაგნიტორეზონანსული ტომოგრაფია, კომპიუტერული ტომოგრაფია, ლაბორატორული კვლევები, ექოსკოპიური გამოკვლევა, ექიმის კონსულტაციები. უკვე აღარ იმყოფება კლინიკაში", - განაცხადა ჯორბენაძემ.
მისივე ინფორმაციით, მერაბიშვილი კლინიკაში დაახლოებით 3-4 საათის განმავლობაში იმყოფებოდა.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
