იმ გავლენიანი დაჯგუფებების წევრებს, რომლებიც კანონის გვერდის ავლით სახელისუფლებო კულუარებში საქმეებს "ალაგებენ", ექსპერტები "ახალ კეზერაშვილებს" უწოდებენ. მათივე შეფასებით, ამ დაჯგუფებების ერთ-ერთი მთავარი ფიგურა ყოფილი მთავარი პროკურორი ოთარ ფარცხალაძეა. რა მსგავსებაა კეზერაშვილსა და ფარცხალაძეს შორის?
- თანამდებობაზე დანიშვნამდე ორივეს ფინანსური მდგომარეობა მწირი იყო
- ორივემ კარიერა ფინანსური პოლიციის შეფობით დაიწყო
- ფინანსური პოლიციის შეფად დანიშვნისთანავე ორივეს ბიზნესის ნიჭი "აღმოაჩნდა" და ორიოდ წელიწადში მულტიმილიონერები გახდნენ
- საჯარო სამსახურის დატოვების შემდეგ, ორივემ შეინარჩუნა არაოფიციალური გავლენა ხელისუფლებაში, ხშირ შემთხვევაში მინისტრებზე მეტი
- ორივეს სახელი უკავშირდება ბიზნესის რეკეტს, წილების "ახევას", ხელისუფლებისთვის არასასურველი ბიზნესმენების თუ სხვა პირების დაშინებას
- ორივეს სახელი უკავშირდება ზონდერ დაჯგუფებების არსებობას, რომლებიც "შავ სამუშაოს" ასრულებენ
- ორივე მათგანი იმ ხელისუფლების მხრიდან, რომელთანაც იყვნენ ასოცირებულნი, აბსოლუტურად ხელშეუხებლობით სარგებლობდნენ
2012 წელს ხელისუფლების შეცვლის შემდეგ კეზერაშვილი საზღვარგარეთ წავიდა და მის წინააღმდეგ სისხლის სამართლის საქმეები აღიძრა. რა ელის ფარცხალაძეს?..