თბილისში დღეს იწვიმებს - ნახეთ უახლოესი დღეების ამინდის პროგნოზი

უახლოესი სამი დღის განმავლობაში საქართველოში ნაწილობრივ ღრუბლიანი ამინდი შენარჩუნდება, მოსალოდნელია მცირე წვიმაც. როგორც „ინტერპრესნიუსს“ გარემოს ეროვნული სააგენტოს ჰიდრომეტეოროლოგიური პროგნოზების სამსახურის უფროსმა სვეტლანა ნიორაძემ განუცხადა, დასავლეთ საქართველოში ტემპერატურა 25-27 გრადუსი, ხოლო აღმოსავლეთ საქართველოში - 20-25 გრადუსი იქნება. რაც შეეხება დედაქალაქს, დღეს მოსალოდნელია მცირე წვიმა, ხვალ უნალექო ამინდი შენარჩუნდება, 12 ოქტომბერს კი კვლავ იწვიმებს.

13 ოქტომბერს, დასავლეთ საქართველოში ტემპერატურა 22-24 გრადუსის ფარგლებში, ხოლო აღმოსავლეთ საქართველოში - 14-19 გრადუსის ფარგლებში იქნება. 13 ოქტომბერს, დედაქალაქში მოსალოდნელია მცირე წვიმა და ნისლი, ტემპერატურა 17 გრადუსი იქნება.