ავტორი:

ზურაბ გურიელიძე - სპილო გრანდისთვის ეშვის ამოღების ოპერაციამ ბრწყინვალედ ჩაიარა

ზურაბ გურიელიძე - სპილო გრანდისთვის ეშვის ამოღების ოპერაციამ ბრწყინვალედ ჩაიარა

სპილო გრანდისთვის ეშვის ამოღების ოპერაციამ ბრწყინვალედ ჩაიარა. ჩვენმა მეგობრებმა, სამხრეთ აფრიკელმა ვეტ-ექიმებმა შესანიშნავად იმუშავეს, - ამის შესახებ ჟურნალისტებს თბილისის ზოოპარკის დირექტორმა ზურაბ გურიელიძემ განუცხადა.

სპილო გრანდისთვის მეორე ეშვის ამოღების ოპერაცია დაახლოებით სამი საათი გაგრძელდა. ამ დროისთვის იგი ვოლიერში უკვე დამოუკიდებლად გადაადგილდება.

„ოპერაციამ ბრწყინვალედ ჩაიარა. ჩვენმა მეგობრებმა, სამხრეთ აფრიკელმა ვეტექიმებმა ბრწყინვალედ იმუშავეს. გრანდი თავს კარგად გრძნობს, ფეხზეა. გართობის ხასიათზეა, ანუ ყველაფერმა კარგად ჩაიარა, თუმცა, შემდეგი დღეები მოვლა და ყურადღება სჭირდება, რათა ჭრილობა არ გაურთულდეს. რა თქმა უნდა, მოვლას არ მოვაკლებთ", - განაცხადა გურიელიძემ.

გრანდს ეშვზე ოპერაცია პირველად 2014 წელს ჩაუტარეს და მხოლოდ ერთი დაზიანებული ეშვი ამოუღეს. მაშინ ოპერაცია 11 საათის განმავლობაში გრძელდებოდა. სპილოს ანესთეზიიდან გამოსვლა გაუჭირდა.

უცხოელი ვეტერინარების შერჩევაში თბილისის ზოოპარკის ხელმძღვანელობას „ბი ბი სი“ დაეხმარა. ადგილზე იმყოფებოდა BBC-ის გადამღები ჯგუფი, რომელიც ამ ოპერაციისა და თბილისის ზოოპარკის შესახებ ერთსაათიან ფილმს იღებს.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ