"საზოგადოებრივი მაუწყებლის" რამდენიმე ჟურნალისტი "იმედში" გააგრძელებს მუშაობას

ტელეკომპანია "იმედში" "საზოგადოებრივი მაუწყებლის" რამდენიმე ჟურნალისტი გადავიდა სამუშაოდ. არსებული ინფორმაციით, მაუწყებელი "მოამბის" ჟურნალისტებმა - შორენა ხვიჩიამ და თამარ გოგესაშვილმა დატოვეს და ისინი საქმიანობას "იმედის კვირაში" გააგრძელებენ.

ჩვენს ხელთ არსებული ინფორმაციით, "იმედი" გუნდის გასაახლებლად მოლაპარაკებებს სხვა მედიასაშუალებების ჟურნალისტებთანაც აწარმოებს და ტელეკომპანიაში შესაძლოა ბევრი ახალი სახე ვიხილოთ.

გადაცემა "იმედის კვირის" ავტორი და წამყვანი ირაკლი ჩიხლაძე გუნდის განახლებას ადასტურებს, თუმცა კონკრეტული სახელებისა და გვარების დასახელებისგან თავს იკავებს.

შეგახსენებთ, გასულ კვირას ტელეკომპანია "იმედი" და "იმედის კვირა" ორმა ჟურნალისტმა - მართა არდაშელიამ და ქეთი ბრაჭულმა დატოვეს. არხიდან წასვლის მიზეზი ტელეკომპანიის მიერ გავრცელებული განცხადება გახდა, რომლის მიხედვითაც არხი საპრეზიდენტო არჩევნების მეორე ტურის წინ მუშაობის საგანგებო რეჟიმზე გადავიდა.